Грамоты Краснохолмского Николаевского Антониева монастыря

— 20 — на подворье въѣзжат и товары свои с саней, и с те- лѣг, и сысковъ складыват, и таможникомъ на тѣх людех имати заповеди по гривне; а которые торго ­ вые люди не учнут с товаров своих по сей уставной грамоте таможенных пошлин платит, а таможники на того члвка в протаможе доведут, и на гѣх людех имати заповеди по два рубли на члвке, да тѣ денги велѣт записывати в книги имя нно особно сеѣ статею, да тѣх денег половину имати на нас и присылати к нам к Москве і велѣт отдавати в Приказе Болшого Приходу околничему ншему Степану Матвѣевичю Проестеву да дьяком ншимъ Артемію Хватову да Івану Дмитреіву, а другую половину заповедных де ­ нег отдават таможникомъ; а помѣстные пошлины имати со пшеницы, со ржи, сь ячьмени, с гречи, с солоду, с гороху, с конопел, з заспы, со пшена, и с сухие рыбы, с хохолков, с рѣпы, с клюквы, с брус ­ ницы, со всего того с московские чети денга; а имати тамга і всякие таможенные пошлины нших дворцо ­ вых сел и съ черных волостей, с пагриаршихъ, и с митрополичьих, и со владычних, и с боярских, и с княженецких, и с мнстрских крстьян, и з граммотчи- ков, и с тарханщиков, и со всяких людей, кто при- ѣдет на торгъ с какимъ товаром ни бути, торгъ дат по сей уставной грамоте, какъ в ней написано; а того б еси над таможниками велѣл смотрѣть и беречь на крѣпко, чтоб они лишних пошлин на торговых людех мимо ншего указу ни наком не имали, ни чемъ ни которыми дѣлы тѣм бы торговымъ людемъ продажи и убытков не чинили. А прочет сю ншу грамоту и списав с неѣ списокъ слово в слово оставил у себя, а сю ншу подлинную грамоту отдал бы еси Антонова мнстря игумену Селиверсту з братіею, почему имъ