Время читать и говорить по-карельски

Miun armahane aigomazuozeni, Oo helein i heinäzin helehiine, Oo kaunehin kukkazin kaunehune! Oo šie lähet i kolmiksi vuoduon aigaziksi, armahane aigomazuozeni. Oo valdavanhembazet šiun i šuoritetah Oo sineih šinelizih, leveillä remenizillä viiötelläh Oo šiun tiettävän tielazen. Oo niin vain miiö rubiemma kolmet vuoduon aigazet Oo šiušta vuottelemah kirjavie kirjazie, miun armahane aigomazuozeni. Oo kolmet vuoduon aigazet vain rubiemma omien igävillä laštupihazilla omilla kiilläküünelüzillä kiilvelömäh kirjavie kirjazie kirjuttelomah. Oo miun armahane aigomazuozeni, šomin kukkazin šomahune, kaunehin heinäzin kaunehine. Oo valdavanhembazet kun otetah šiun armahih kallehih šluužibazih, miun armahane aigomazuozeni! 124