Время читать и говорить по-карельски

6. Luve šanonda. Mintän Stanislav Tarasov on kuulova ristikanža Tverin mualla? Stanislav Vasiljevič Tarasov Stanislav Vasiljevič Tarasov on kuulova ristikanža Tverin karielazin mualla. Moni vuotta hiän kirjuttau omalla karielan kielellä. Šügüžüllä vuodena 1998 viidi hänen enžimmäne runokniiga ”Oma randa”. Rigeneh Stanislav Tarasov tüöndäü runoloida lehteh Karielan šana. Runolija šündü 18 martua vuodena 1937 Vasil'kovan küläššä, kumbane on Tolmačun luona. Vasilkova on pieni šoma küläne Medvedičan joven rannalla. Tarasovan koin ikkunat kačotah kohti jogeh päin. Ümbäri küliä šeizotah korgiet mečāt. Moni vuotta Stanislav Vasiljevič ruado jegerinä. Jogo puuhut, jogo tuhjone on hänellä tuttava i kallis. Kaikki mečāt on käveldü jalgazin. Šuaččou Stanislav Tarasov i vardeiččou omua randua. Tuškuau hänellä hengipaikkua kaččuošša omua rozorittuo muada. Rubei srojimah časouriua omilla käzillä, küläläzet autettih täššä ruavošša. Lienöü časouna Vasiikovalla! Kirjuttau Stanislav Vasiljevič omah randah näh, külän eländäh näh. Ülen miellütäh lapsilla hänen runot. Tiedäü Tarasov, kumbazet šanat pidäü vallita pienillä varoin. Lapšilla hiän kirjuttau veššeläšti muhissen. Tarasov on nerokaš ristikanža. Rubei kirjuttamah proozua. Hänen šanonda ”Küünelet” šai premijan Karielan tažavallašša. Ludmila Barhatova Vaštua küžümükših: 1. Konža viidi Stanislav Tarasovan kniiga ”Oma randa” ? 2. Konža Šündü S. Tarasov? 3. Missä hiän šündü? 4. Mütüš jogi virduau külän luona? 139