Время читать и говорить по-карельски

2. Karielazet emännät ülen hiivin mahetah paistua piiruada. Luve, kuin paistau Jevdokija Iljina Puasinkoin kiilasta. Opašsu, šiidä päissä iče. Hieno juablokkapiirua Ottakkua rugehista jauhuo. Lizäkkiä vähäne vettä i šuolua. Ševottakkua tahaš ševotušlabiezella. Stolalla pirottakkua jauhuo. Kuadakkua ših tahaš purdilošta. Vualikkua tahaš jauhošša i ptiörittäkkiä šarazet. Šarane pangua stolalla i ličakkua. Šiidä suččikkua värtinällä, vedäkkiä pitäkkäzekši. Korka jo on valmis. Varuštakkua juablokašta šiämi. Keittakkiä juablokat kettuloissa, kuorittakkua, šurvokkua, lizäkkiä jāiččiā, voida, maidou, šuolua. Hämmendäkkiä hiivin. Levittäkkiä šiämi korkan piällä. Rupittakkua piiruan korka randazista. Paistakkua piiruat puadiella einiin lissalla. Što piiruat ruššottaiš piäldä päi, luadikkua rehennüš (virittäkkiä laštuo kiuguašša, štobi oliš tuli). Valmehet piiruat voidakkua šulatuolla voilla voišiivella. Marjapiirua Korkat marjapiiruah pidäii luadie vehnäjauhosta Šeppäh. Ota vehnästä jauhuo, ševota maidoh, pane šeppiä, šiidä nošša taigina illašta kiugualla. Huomnekšella ševotukšen žen vaštuat, panet vähäzen šuolua, suaharuo, voida. Kuin že šiämi liikahtuu, niin otat kiugualda pois. Šiidä luajit piiruakorkat. Marjat pidäü hauduo, lizätä suaharuo, što ei oldaiš muigiet. Voit vielä marjoih panna vähäne krahmualajauhuo, štobi marjoista ei niin uidiiš sokku. Paistua piiruat pidäü kiuguašša lissalla. 40