Время читать и говорить по-карельски

6. Luve šanonda. Oletko konža šüönün muigieda maiduo? Muigie maido Varuššetah muigieda maiduo šügüžüllä, štobi talvella, konža lehmä hülgiäü lüpšämäh, oliš šüömistä maijošta. Pidäü kerätä rahkua heranke rengih. Konža jo lienöü vajua rengi, kattakkua rahka träpicällä. Žen piällä pangua laudazet i ličakkua ne kivellä. Pidäkkiä niin nedeli. Šiidä kuadakkua pois herat i pangua rahkah hauvuttuo rieškua maiduo. Pannessa maiduo hämmendäkkiä rahkoida. Voit vielä lizätä rahkua i kerätä žen verda, mi teilä pidäü talveksi. Rahka ili muigie maido on valmis, konža že ei rubie olemah murie. Konža jo lietäh pakkazet, täštä rahkamaijošta voit luadie šarazet, kumbazie pietäh vilušša aitassa ili sinčošša. Šüödäväkši külmät šarazet tuogua pertih, pangua palavah kiehunnuoh vedeh, štobi lieniš notkie rahka. Lizäkkiä suaharuo. Rahkamaido on muigiene i hüvä kakkaranke. Täh rahkamaidoh voit ševottua kakkarua. Lapšet vešma šuatah muigieda maiduo. Valentina Korolova 8—T Vaštua küžümükših: 1. Konža ruvetah varuštamah muigieda maiduo? 2. Kuh aigah šüüväh muigieda maiduo? 3. Minke šüüväh muigieda maiduo? Avaimet! 46