Время читать и говорить по-карельски

kiskuo, uidie pagoh, jiähä (kellä käzih), priimie, laSkie (juuret), kumarduačie, kiändiä (kumbazeh kieleh), külviä, kaivattua, piivdiä, virrata. 1 . Luve šanonua. šano, missa Veniäilä eletäh karielazet. Karielazet Karielan rahvahan juuret ollah Luadogan järven lašku- i vilurannašša. Nügüzet karielazet eletäh Veniäilä: Nougorodan, Piiterin, Vologdan, Murmanskan, Tverin luona, Karielan tažavallašša; Šuomešša i toizissa mualoissa. Veniäilä šuurin ühüš eläü Karielan tažavallašša. Tiijot, kumbazet oldih Suadu vuodena 1989 eläjin lugukirjutannaSta, šanotah, što šielä eläü karielazie 78928. Töine šuuri ühüš eläü Tverin luona, 23169 karielašta. Kaikkiedah Veniäilä eläü karielazie enämbi 130900. Vuuvešta 1939, konža oli Salvattu Tverin Karielazin Nacionalnoi Okruuga, karielan rahvahan lugu rubei alenemah. Monet karielazet kirjuttuačettih veniäläzikši. Toizen muailmavoinan jäPgeh vielä väliämmä rubei kadomah kieli i karielazin tavat. Vuuvešta 1990 alottuači karielan kielen i kulturan elauttumine. Školissa lapšet opaššutah omua kieldä. Opaššunda voit jatkuo Lihoslavlan učiliščašša i Tverin universitetašša. Radijošsa voit kuulla karielan kieldä, televidenijašša on programma, kumbane šanelou karielazin taboih näh, viidiu karielakieline lehti. Karielan rahvahan historija oli jügie, žentän ei voi tarkaldi šanuo, äijägö kaikkiedah eläü karielazie muailmalla. Šuomešša on äijä karielazie. Šuurembi čuasti heistä talvivoinan aigah vuonna 1939 jätti omat koit i läksi laškurandah päin Šuomeh, žentän što voinan jāl’geh nämä muat jiädih Sovetskoilla Sojuzalla. Vanhemmat pagolazista vielä muissetah omua kieldä. 64