Время читать и говорить по-карельски

verbit: perehtüö, omaštuo, erota, olla miehellä, olla naizissa, leššüštiä, holostuija; perehikäš, perehitöin Luve šananpolvet. Oža iče käzih ei tule. Muamon pahašana luadiu lapšen ožattomakši. Tuattozen-muamozen armahutta ijän muissuttelet. Midä mieldä olet šananpolviloista? 1. Luve šanonda. Ongo Svetan pereh suuri? Miän pereh Milma kučutah Veresova Sveta. Mie elän Maksuatihan rannašša küläššä Karielan Zaruučča. Miän külä on pieni, no šoma. Mie šuačen omua külästä. Meilä on šuuri pereh: tuatto, muamo i viizi lašta. Tuattuo kučutah Sergei, muamuo — Vera. Tätä ruadau traktoristani a mamma on zootehnikka. Mie olen keškimmäne, miula on vanhembi čikko Lena i velli Saša, nuorembi velli Tola i nuorin čikkone Ola. Ola on vielä pikkarane tüttöne, hänellä on kuuži vuotta. Tänä vuodena hiän lähtöü školah. Mie kävün školah jo šeiččimen vuotta. Müö eiämmä vešma hüvin keškenäh. Veliet autetah tuatolla pellošša, a müö, tüttözet, autamma muamolla ruadua kodiruadoloida. Meilä on hožaistva. Müö pijämmä hevošta, lehmiä, važua i kanua. Vielä meilä on kakši koirua i kolme kazie. On meilä oma traktora i velospetta. Illalla kaikin šuačemma kaččuo kinuo televizorua müöt. Mie šuačen muuzikkua, karielan i veniälän kieldä, šuacen lugie omah randah näh i laulua. Mie kävün lapšin ansamblih ”Karielan ruuččane”. Müö laulamma omalla karielan kielellä.