Время читать и говорить по-карельски

Pelvaškuhl’ahazet vejät hebozella guomnoh, šidä ahat riihen pardeizilla. Lämmität riihen. Panet pivot järelläh guomnoh, kolotit hiät pualikalla. Kolotittuoh riivinlaudah riivittih. Pelvahan siemenet tuulešša viššattih, šelgiet siemenet puurnuh kuattih. Kolotituot pelvahat logah levitettih. Lovalla piettih, kuni ei šuorie. Kuin kergiet levittiä vägövih kaštieloih da lämbimih šiälöih, šilloin väliämme šuorieu. Lovašta pelvahat noššetah, kuboloih šivotah, poiš vejetäh. Žen jāl’geh pelvahat loukulla loukutetah. Loukutannan jāl’geh pelvaš pehmenöü, rubieu päisär eruomah. Vidiemellä vivotah, jiäli vain harjata. Tüöt edizeh harjatah raudaharjilla. Raudaharjan jāl’geh tüöštä eruou ruohin. Ruohtimešta kezrätäh ruohinlangua da kuvotah vārčie. Raudaharjan jälgeh tüöt harjatah šuvašharjah. Šuvašharjašša tüöštä eruou paičeš. Paičekšešta kezrättih rondulangua, kuvottih piiččuo da koštou. Šiidä luajittih hattarua da ložieda käzipaikkua pütihkiessä käzie. Šuvašharjan jāl’geh pivozista šivotah pelvaškiäriiö. Kiäröt vadvotah da luajitah kuoželipiädä kezrättäväkši varoin. Kirjutti G. N. Makarov vuodena 1957 P. F. Smorodovalda küläššä Puasinkoissa. (Kniigua müöt'Obrazci karelskoi reci.) Vastua küžümükših: 1. Kuin ennen külvettih pelvašta? 2. Konža pelvaš zavodiu kukkie? 3. Mütüttä pelvašta ruvetah derimäh? 4. Miksi pivot šeizatetah kuhlahazih? 5. Midä ruattih pelvahanke guomnošša i riiheššä? 6. Miksi pelvahat levitettih logah? 7. Mih varoin pelvašta loukulla loukutettih i vidiemellä vivottih? 85